நடிகர் விக்ரம் நடிப்பில் கடந்த 2025-இல் வெளியான 'வீர தீர சூரன்' படத்தின் பிரம்மாண்ட வெற்றியைத் தொடர்ந்து, அவரது 63-ஆவது திரைப்படத்தின் (Chiyaan 63) மாஸான அறிவிப்பு வீடியோவை படக்குழு இன்று வெளியிட்டுள்ளது.
கடந்த 2016-ஆம் ஆண்டு வெளியான சூப்பர் ஹிட் திரைப்படமான 'இருமுகன்' படத்திற்குப் பிறகு, சுமார் 10 ஆண்டுகள் கழித்து இயக்குநர் ஆனந்த் ஷங்கர் மற்றும் விக்ரம் மீண்டும் இணைகின்றனர்.
இப்படத்திற்கு பிரபல இசையமைப்பாளர் சந்தோஷ் நாராயணன் இசையமைக்கிறார். முன்னணி தயாரிப்பு நிறுவனமான சத்யஜோதி பிலிம்ஸ் தியாகராஜன் இப்படத்தைப் பிரம்மாண்டமாகத் தயாரிக்கிறது.
படத்தின் ஸ்டைலான அறிவிப்பு வீடியோ இன்று வெளியிடப்பட்டு சமூக வலைதளங்களில் வைரலாகி வருகிறது.
விக்ரமின் மாறுபட்ட நடிப்புக்கும், ஆனந்த் ஷங்கரின் நவீனமான மேக்கிங்கிற்கும் ஏற்கனவே பெரும் வரவேற்பு உள்ள நிலையில், இந்த திடீர் அறிவிப்பு அவரது ரசிகர்களிடையே பெரும் எதிர்பார்ப்பை ஏற்படுத்தியுள்ளது. 'வீர தீர சூரன்' படத்திற்குப் பிறகு விக்ரமின் அடுத்த அதிரடி வேட்டை எதுவாக இருக்கும் என நீண்ட நாட்களாகக் காத்திருந்த ரசிகர்களுக்கு இது ஒரு கோடை கால விருந்தாக அமைந்துள்ளது.