தனக்கு ரகசியமாகத் திருமணம் நடந்துவிட்டதாக இணையத்தில் பரவி வரும் செய்திகளை நடிகையும், நாடாளுமன்ற உறுப்பினருமான (எம்பி) கங்கனா ரணாவத் திட்டவட்டமாக மறுத்துள்ளார்.
கடந்த வியாழக்கிழமை கங்கனா ரணாவத் தாலி அணிந்திருப்பது போன்ற புகைப்படம் ஒன்று சமூக வலைத்தளங்களில் தீயாய் பரவியது. இதைப் பார்த்த ரசிகர்கள் மற்றும் நெட்டிசன்கள், கங்கனா யாருக்கும் தெரியாமல் ரகசிய திருமணம் செய்து கொண்டாரோ என்று சமூக ஊடகங்களில் யூகங்களை எழுப்பத் தொடங்கினர்.
இந்த வதந்திகளுக்கு முற்றுப்புள்ளி வைக்கும் வகையில், கங்கனா ரணாவத் தனது அதிகாரப்பூர்வ இன்ஸ்டா பக்கத்தில் விளக்கமளித்துள்ளார்.
"நான் ஒவ்வொரு நாளும் நகரத்திலும் அதைச் சுற்றியுள்ள பகுதிகளிலும் படப்பிடிப்பில் பிசியாக இருக்கிறேன். யாரோ ஒருவர் படப்பிடிப்புத் தளத்தில் நான் மேக்கப்புடன் இருந்தபோது இந்த புகைப்படத்தை எடுத்து பகிர்ந்துள்ளனர். இப்போது எனக்கு ஏராளமான தொலைபேசி அழைப்புகள் வந்த வண்ணம் உள்ளன. திருமணமான பெண்ணின் தோற்றத்தில் ஒரு நடிகை இருப்பதில் அப்படி என்ன பெரிய விஷயம் இருக்கிறது? நடிகர்கள் அனைத்து வகையான கதாபாத்திரங்களிலும் நடிக்கத்தான் செய்கிறார்கள்."
- கங்கனா ரணாவத்
மேலும், "நான் எப்போது திருமணம் செய்து கொள்ள முடிவு செய்தாலும், அது ரகசியமாக இருக்காது, இது உறுதி" என்றும் அவர் அந்தப் பதிவில் காரசாரமாகத் தெரிவித்துள்ளார்.
அடுத்தடுத்த படங்களில் கங்கனா
அரசியல் ஒருபுறம் இருந்தாலும், கங்கனா கைவசம் தற்போது பல திரைப்படங்கள் உள்ளன.
பாரத் பாக்ய விதாதா: இத்திரைப்படம் வரும் ஜூன் 12ஆம் தேதி வெளியாகவுள்ளது.
குயின் 2: வசூல் சாதனை படைத்த 'குயின்' படத்தின் இரண்டாம் பாகத்திலும் அவர் நடிக்க உள்ளார்.
புதிய படம்: நடிகர் ஆர். மாதவனுடன் இணைந்து ஒரு புதிய திரைப்படத்திலும் அவர் நடிக்க கமிட்டாகியுள்ளார் என்பது குறிப்பிடத்தக்கது.
