தமிழகத்தில் மாநிலப் பாடத்திட்டத்தின் கீழ் 9 லட்சத்திற்கும் மேற்பட்ட மாணவ, மாணவிகள் எழுதிய பத்தாம் வகுப்பு பொதுத்தேர்வு முடிவுகள் இன்று (புதன்கிழமை, மே 20) காலை 9.30 மணிக்கு வெளியிடப்படுகின்றன.
இது குறித்து அரசுத் தேர்வுகள் இயக்குநர் க.சசிகலா வெளியிட்டுள்ள செய்திக்குறிப்பில், தேர்வு முடிவுகளை மாணவர்கள் எளிதாக அறிந்துகொள்ள பல்வேறு சிறப்பு ஏற்பாடுகள் செய்யப்பட்டுள்ளதாகத் தெரிவிக்கப்பட்டுள்ளது.
தேதி: மே 20 (புதன்கிழமை)
நேரம்: காலை 9.30 மணி
இடம்: அண்ணா நூற்றாண்டு நூலக வளாகம், கோட்டூர்புரம், சென்னை.
வெளியிடுபவர்: பள்ளிக் கல்வித் துறை அமைச்சர் ராஜ்மோகன்.
மாணவர்கள் தங்களது பதிவெண் (Roll Number) மற்றும் பிறந்த தேதி (Date of Birth) ஆகியவற்றைப் பயன்படுத்தி பின்வரும் வழிகளில் முடிவுகளைத் தெரிந்து கொள்ளலாம்:
1. இணையதள முகவரிகள் (Websites):
பள்ளி மாணவர்கள் பள்ளியில் சமர்ப்பித்த உறுதிமொழிப் படிவத்தில் குறிப்பிட்டுள்ள கைப்பேசி எண்ணிற்கு தேர்வு முடிவுகள் குறுஞ்செய்தியாக அனுப்பப்படும்.
தனித்தேர்வர்கள் ஆன்லைனில் விண்ணப்பிக்கும் போது வழங்கிய கைப்பேசி எண்ணிற்கு எஸ்எம்எஸ் அனுப்பப்படும்.
இந்த ஆண்டு புதிய வசதியாக, 78452 52525 என்ற எண்ணை மொபைலில் சேமித்து, அதன் மூலம் வாட்ஸ்அப் உரையாடல் (Chat) செய்தும் தேர்வு முடிவுகளைப் பெற்றுக் கொள்ளலாம்.
மாணவர்கள் தாங்கள் பயின்ற பள்ளிகளுக்கு நேரில் சென்றும் மதிப்பெண்களை அறிந்து கொள்ள ஏற்பாடு செய்யப்பட்டுள்ளது.
தேர்வு முடிவுகள் தொடர்பாக மாணவர்களுக்கோ அல்லது பெற்றோர்களுக்கோ ஏதேனும் சந்தேகங்கள் இருந்தால், 14417 என்ற உதவி மைய எண்ணைத் தொடர்பு கொண்டு விளக்கம் பெறலாம் என அரசுத் தேர்வுகள் இயக்ககம் தெரிவித்துள்ளது.
