தமிழ் சினிமாவில் நகைச்சுவை நடிகராகப் பயணத்தைத் தொடங்கி, தற்போது நட்சத்திர நாயகனாக உருவெடுத்துள்ள நடிகர் சூரி, தனது 'மண்டாடி' திரைப்படத்தின் மூலம் உலக அளவில் மாபெரும் வசூல் சாதனை படைத்து புதிய வரலாறு உருவாக்கியுள்ளார்.
நகைச்சுவை டூ நாயகன் பிம்பம்: இந்திய சினிமாவில் சந்திரபாபு, என். எஸ். கிருஷ்ணன், கவுண்டமணி, வடிவேலு, சந்தானம் வரை பல முன்னணி நகைச்சுவை நடிகர்கள் கதாநாயகர்களாக உருவெடுத்து வெற்றி பெற்றுள்ளனர். இருப்பினும், பெரும்பாலான நகைச்சுவை நடிகர்கள் கதாநாயகனான பிறகும் நகைச்சுவை சார்ந்த கதைகளையே தேர்வு செய்வது வழக்கம். ஆனால், அந்த பிம்பத்தை முற்றிலும் உடைத்தெறிந்துள்ளார் நடிகர் சூரி.
தொடர் வெற்றிப் பயணம்: இயக்குநர் வெற்றிமாறனின் 'விடுதலை' திரைப்படம் மூலம் கதாநாயகனாக அறிமுகமான சூரி, தனது முதல் படத்திலேயே அழுத்தமான நடிப்பை வெளிப்படுத்தி ரசிகர்களின் கவனத்தை ஈர்த்தார். அதனைத் தொடர்ந்து 'கொட்டுக்காளி', 'கருடன்' என முற்றிலும் வித்தியாசமான கதைக்களங்களைத் தேர்வு செய்து நடித்தார். அண்மையில் வெளியான 'மாமன்' திரைப்படம் இவரை வர்த்தக ரீதியாகவும் மார்க்கெட் உள்ள ஹீரோவாக உயர்த்தியது.
100 கோடி வசூல் சாதனை: அந்த வரிசையில், சூரி நடிப்பில் அண்மையில் வெளியான 'மண்டாடி' திரைப்படம் உலக அளவில் ரூ. 100 கோடிக்கும் அதிகமாக வசூலித்து சாதனை படைத்துள்ளது.
இதன் மூலம், இந்திய சினிமா வரலாற்றிலேயே நீண்ட காலமாக நகைச்சுவை நடிகராக இருந்து, பின்னர் கதாநாயகனாக மாறி அதிக வசூல் ஈட்டிய முதல் நடிகர் என்ற வரலாற்றுச் சாதனையைச் சூரி தனதாக்கியுள்ளார். இந்தத் தொடர் வெற்றிகளால் தமிழ் திரையுலகில் வசூல் மன்னனாக சூரி உருவெடுத்துள்ளார்.
