தமிழ்நாட்டில் ரூ.1,200 கோடி மதிப்பீட்டில் 20 லட்சம் சதுர அடி பரப்பளவில் அதிநவீன வசதிகளுடன் புதிய தலைமைச் செயலகம் கட்டுவதற்கான இடம் குறித்து, முதலமைச்சர் சி. ஜோசப் விஜய் தலைமையில் நாளை முக்கிய ஆலோசனை கூட்டம் நடைபெறவுள்ளது.
கடந்த வாரம் தமிழ்நாடு சட்டப்பேரவையில் காவலத்துறை மற்றும் தீயணைப்புத் துறை மானியக் கோரிக்கை மீதான விவாதத்தின்போது, பேரவை விதி 110-ன் கீழ் முதலமைச்சர் விஜய் ஓர் முக்கிய அறிவிப்பை வெளியிட்டார். அதில், "எதிர்கால தேவைகளையும் அடுத்த நூற்றாண்டுகளையும் கருத்தில் கொண்டு, நவீன தொழில்நுட்ப வசதிகளுடன் கூடிய சட்டப்பேரவை மற்றும் தலைமைச் செயலக வளாகம் ரூ.1,200 கோடி செலவில் 20 லட்சம் சதுர அடியில் கட்டப்படும்" எனத் தெரிவித்து இருந்தார்.
இடம் தேர்வு செய்ய தீவிர நடவடிக்கை
இந்த அறிவிப்பைத் தொடர்ந்து, புதிய தலைமைச் செயலக வளாகம் அமைப்பதற்காக சென்னை மாநகராட்சி எல்லைக்குட்பட்ட பகுதிகள் மற்றும் நகர்ப்புறத்தை ஒட்டிய வெளிப்புறப் பகுதிகளில் உள்ள அரசு நிலங்கள் குறித்த பட்டியல் தயாரிக்கப்பட்டுள்ளது.
நாளை நடைபெறும் உயர்நிலை ஆலோசனைக் கூட்டத்தில்:
புதிய தலைமைச் செயலகத்திற்குத் தேர்வு செய்யப்பட்டுள்ள இடங்களின் பட்டியல் பரிசீலிக்கப்படும்.
போக்குவரத்து வசதி, நிலப்பரப்பு மற்றும் தொலைநோக்குத் திட்டங்களுக்கு உகந்த இடத்தை முடிவு செய்வது குறித்து விவாதிக்கப்படும்.
தேர்வு செய்யப்படும் இடத்தின் விவரங்கள் விரைவில் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.
