'போர் தொழில்' புகழ் விக்னேஷ் ராஜா இயக்கத்தில், நடிகர் தனுஷ் நடிப்பில் உருவாகியுள்ள 'கர' திரைப்படம் வரும் ஏப்ரல் 30-ம் தேதி உலகம் முழுவதும் திரையரங்குகளில் வெளியாகவுள்ளது. இந்நிலையில், படத்தின் தரம் குறித்த ஆரம்பகட்ட விமர்சனங்கள் தனுஷ் ரசிகர்களை உற்சாகத்தில் ஆழ்த்தியுள்ளன.
இயக்கம்: விக்னேஷ் ராஜா (அறிமுகப் படம்: போர் தொழில்)
முன்னணி நடிகர்கள்: தனுஷ், மமிதா பைஜூ.
துணை நடிகர்கள்: கருணாஸ், லால், சுராஜ் வெஞ்சரமுடு, ஜெயராம், கே.எஸ்.ரவிக்குமார்.
இசை: ஜி.வி. பிரகாஷ்குமார்.
ஒன்லைன்: வளைகுடா நாடுகளில் ஏற்படும் பாதிப்புகள் உள்ளூரில் எத்தகைய தாக்கத்தை ஏற்படுத்துகின்றன என்பதை மையமாக வைத்து திரைக்கதை அமைக்கப்பட்டுள்ளது.
தமிழ்நாடு திரையரங்க உரிமையாளர்கள் சங்க செயலாளர் திருச்சி ஸ்ரீதர், தனது எக்ஸ் (X) தளத்தில் படத்தைப் பார்த்துவிட்டுப் பகிர்ந்துள்ள கருத்து சமூக வலைதளங்களில் வைரலாகி வருகிறது.
"கர படத்தின் முதல் பாதி மிகவும் சிறப்பாக உள்ளது. இரண்டாம் பாதி ஓகே. தனுஷ் ரசிகர்களுக்கு இது ஒரு சூப்பர் என்டர்டெயின்மென்ட். கே.எஸ்.ரவிக்குமார் மற்றும் கருணாஸின் நடிப்பு சிறப்பு. படம் பிளாக்பஸ்டர் அடிக்க அதிக வாய்ப்பு உண்டு." — திருச்சி ஸ்ரீதர், செயலாளர் - தமிழ்நாடு திரையரங்க உரிமையாளர்கள் சங்கம்.
தமிழ் புத்தாண்டை முன்னிட்டு படத்தைப் பார்த்த நடிகர் தனுஷ், இயக்குநர் விக்னேஷ் ராஜாவை நேரில் அழைத்து பாராட்டியுள்ளார். சமூக வலைதளத்தில், “விக்னேஷ் ராஜா நீங்கள் ஒரு ஜீனியஸ். ‘கர’ படத்தை கொடுத்ததற்காக நன்றி” என நெகிழ்ச்சியுடன் பதிவிட்டுள்ளார். ட்ரெய்லரில் இடம்பெற்றுள்ள அழுத்தமான காட்சிகள் ஏற்கனவே படத்தின் மீதான எதிர்பார்ப்பை எகிற வைத்துள்ளன.
தனுஷின் சமீபத்திய திரைப்படங்களான ‘ராயன்’ திரையரங்குகளில் வெற்றி பெற்றாலும், ஓடிடியில் கலவையான விமர்சனங்களைப் பெற்றது. அதன் பின் வெளியான ‘குபேரா’ மற்றும் ‘இட்லி கடை’ ஆகிய படங்கள் எதிர்பார்த்த வெற்றியைத் தரவில்லை. இதனால், ‘கர’ திரைப்படம் தனுஷிற்கு ஒரு மிகப்பெரிய திருப்புமுனைப் படமாக அமையும் என கோலிவுட் வட்டாரங்கள் எதிர்பார்க்கின்றன.