நாட்டின் 80-ஆவது சுதந்திர தின விழாவை முன்னிட்டு, திராவிட முன்னேற்றக் கழகத்தின் (திமுக) தலைவர்களான நாடாளுமன்ற உறுப்பினர் கனிமொழி மற்றும் எதிர்க்கட்சித் தலைவர் உதயநிதி ஸ்டாலின் ஆகியோர் தமது சமூக வலைதள பக்கங்கள் வாயிலாக நாட்டு மக்களுக்குச் சுதந்திர தின வாழ்த்துகளைத் தெரிவித்துள்ளனர்.
நாடு முழுவதும் சுதந்திர நாள் கொண்டாட்டங்கள் கோலாகலமாக நடைபெற்று வரும் நிலையில், தில்லி செங்கோட்டையில் பிரதமர் நரேந்திர மோடியும், சென்னை புனித ஜார்ஜ் கோட்டையில் தமிழக முதல்வர் ச.ஜோசப் விஜய்யும் தேசியக் கொடியை ஏற்றிவைத்து மரியாதை செலுத்தினர்.
கூட்டாட்சித் தத்துவத்தை உயர்த்திப் பிடிப்போம் – கனிமொழி எம்.பி.
சுதந்திர நாளையொட்டி திமுக எக்ஸ் (ட்விட்டர்) தளத்தில் பதிவிட்டுள்ள கனிமொழி எம்.பி.:
"எண்ணற்ற தியாகங்களாலும் போராட்டங்களாலும் ஆங்கிலேய ஆதிக்கத்திலிருந்து இந்நாளில் விடுதலை பெற்றது இந்திய நாடு. அவ்வாறு போராடிப் பெற்ற சுதந்திரம் அனைத்து மக்களுக்குமானது என்பதை உணர்த்தும் வகையிலும், இந்நாடு ஏற்றுள்ள கூட்டாட்சித் தத்துவத்தை வலுப்படுத்தும் வகையிலும், சுதந்திர தினத்தன்று மாநில முதல்வர்கள் தேசிய கொடியேற்றும் உரிமையைப் போராடிப் பெற்றுத் தந்தவர் தலைவர் கலைஞர்.
தாய்நாட்டின் விடுதலைக்காகப் போராடிய வீரர்களின் தியாகங்களைப் போற்றுவோம்! அந்த விடுதலையை முழுமையாக்கும் கூட்டாட்சித் தத்துவத்தின் விழுமியங்களை உயர்த்திப் பிடிப்போம்!"
எனத் தனது பதிவில் குறிப்பிட்டுள்ளார்.
பன்மைத்துவத்தையும் ஜனநாயகத்தையும் பாதுகாப்போம் – உதயநிதி ஸ்டாலின்
எதிர்க்கட்சித் தலைவர் உதயநிதி ஸ்டாலின் வெளியிட்டுள்ள வாழ்த்துச் செய்தியில்:
"இந்தியத் திருநாட்டின் விடுதலை நாள் இன்று! விடுதலைக்காக ஆங்கிலேயர்களை எதிர்த்துப் போராடிய அனைத்து தியாகிகளையும் இந்நாளில் போற்றுவோம்.
பல்வேறு கலாசாரங்கள், மொழிகள், இனங்களைக் கொண்ட மக்களின் ஒற்றுமையே நமது இந்தியாவின் பெருமை. இந்த பன்மைத்துவத்தை என்றும் பாதுகாப்போம். இந்திய ஜனநாயகத்தை மேலும் வலிமைப்படுத்தி, சமத்துவமும் சகோதரத்துவமும் நிறைந்த தேசத்தை உருவாக்க இந்நாளில் உறுதியேற்போம். அனைவருக்கும் விடுதலை நாள் வாழ்த்துகள்!"
எனத் தெரிவித்துள்ளார்.
Today marks the 80th Independence Day of our great nation, India!
On this day, let us honor all the martyrs who fought against the British for our freedom.
The unity of people with diverse cultures, languages, and ethnicities is the pride of our India. Let us forever safeguard this pluralism.
On this day, let us resolve to further strengthen Indian democracy and build a nation filled with equality and fraternity.
Independence Day greetings to all.
#IndependenceDay
india, which attained freedom from British rule on this day through countless sacrifices and struggles.
In order to emphasize that the independence won through such struggles belongs to all people, and to strengthen the federal principle that this nation has embraced, Chief Minister Karunanidhi, who fought for and granted the right for state Chief Ministers to hoist the national flag on Independence Day.
Let us honor the sacrifices of the heroes who fought for the nation's freedom. Let us uphold the glory of the federal principle that completes that freedom!
#IndependenceDay
