தனது முதல் படமான 'யூத்' மூலம் தமிழ் திரையுலகையே திரும்பிப் பார்க்க வைத்த நடிகர் மற்றும் இயக்குனர் கென், தற்போது கோலிவுட்டின் மோஸ்ட் வான்டட் நாயகனாக உருவெடுத்துள்ளார்.
இந்த ஆண்டு வெளியான தமிழ்ப் படங்களில் இதுவரை ரூ. 85 கோடி வசூல் செய்து முதலிடத்தைப் பிடித்துள்ள 'யூத்', ஓடிடி தளத்திலும் வெளியான பிறகு உலகளாவிய கவனத்தைப் பெற்றுள்ளது. தெலுங்கு திரையுலகிலும் இப்படம் மிகப்பெரிய வரவேற்பைப் பெற்றது குறிப்பிடத்தக்கது.
கென்னின் எதார்த்தமான நடிப்பு மற்றும் நேர்த்தியான திரைக்கதை அமைப்பு ஆகியவற்றால் ஈர்க்கப்பட்ட முன்னனி தயாரிப்பு நிறுவனங்கள், அவரைத் தங்கள் அடுத்த படத்தில் ஒப்பந்தம் செய்ய வரிசை கட்டி நிற்கின்றன.
பட்ஜெட் எகிறுகிறது: ஆரம்ப கட்டத்திலேயே கென்னை வைத்து சுமார் ரூ. 30 கோடி பட்ஜெட்டில் பிரம்மாண்டமான படங்களைத் தயாரிக்க பல நிறுவனங்கள் முன்வந்துள்ளன.
ஹீரோ வறட்சிக்கு முற்றுப்புள்ளி: தமிழ் சினிமாவில் இன்றைய தலைமுறை இளைஞர்களைப் பிரதிபலிக்கும் நாயகர்களுக்கான தட்டுப்பாட்டை கென் ஈடு செய்வார் என சினிமா விமர்சகர்கள் மற்றும் ரசிகர்கள் ஒருமித்த கருத்தைக் கொண்டுள்ளனர்.
வெறுமனே ஒரு வளர்ந்து வரும் நடிகராக மட்டுமன்றி, ஒரு இயக்குனராகவும் கென் தன்னை நிரூபித்துள்ளதால், தமிழ் சினிமாவின் டாப் ஹீரோக்கள் பலரும் அவருக்கு வாழ்த்து தெரிவித்து வருகின்றனர். குறிப்பாக, இன்றைய இளைஞர்களுக்கான கதைகளைத் தேர்ந்தெடுத்து நடிக்குமாறு அவருக்குச் சில முன்னணி நடிகர்கள் ஆலோசனைகளை வழங்கி வருவதாகத் திரையுலக வட்டாரங்கள் தெரிவிக்கின்றன
கென் மீண்டும் இயக்கத்தில் இறங்குவாரா அல்லது மற்ற இயக்குனர்களின் கீழ் நடிகராக மட்டும் பணியாற்றுவாரா என்பது இன்னும் முடிவாகவில்லை. விரைவில் இது குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
தமிழகத்தின் தற்போதைய அரசியல் அதிரடிகளுக்கு மத்தியில், திரைத்துறையில் கென்னின் இந்த அசுர வளர்ச்சி ஒரு பாசிட்டிவ் மாற்றமாகப் பார்க்கப்படுகிறது.
