மேற்கு ஈரானில் எரிபொருள் டேங்கர் லாரி ஒன்று கட்டுப்பாட்டை இழந்து கார்கள் மீது மோதி வெடித்துச் சிதறியதில் 11 பேர் சம்பவ இடத்திலேயே பரிதாபமாக உயிரிழந்தனர்.
ஈரானின் குர்திஷ் பிராந்தியத்தில் உள்ள சனந்தாஜ் நகரின் போக்குவரத்து காவல் நிலையம் அருகே சனிக்கிழமை இந்த கொடூர விபத்து நிகழ்ந்துள்ளது.
விபத்தின் பின்னணி: வேகமாக வந்த எரிபொருள் டேங்கர் லாரியின் பிரேக் திடீரென பழுதானதால், ஓட்டுநரின் கட்டுப்பாட்டை இழந்து அருகில் நின்று கொண்டிருந்த கார்கள் மீது பயங்கரமாக மோதியது. மோதிய அடுத்த சில வினாடிகளில் லாரி தீப்பிடித்து வெடித்துச் சிதறியதாக அந்நாட்டின் 'ஐ.ஆர்.என்.ஏ' (IRNA) அரசு ஊடகம் செய்தி வெளியிட்டுள்ளது.
உயிரிழப்பு மற்றும் காயம்:
பலியானோர்: 11 பேர்
காயமடைந்தோர்: 7 பேர்
தீயின் பிடியில் சிக்கிப் படுகாயமடைந்த 7 பேரும் உடனடியாக மீட்புக் குழுவினரால் மீட்கப்பட்டு, அருகில் உள்ள மருத்துவமனைகளில் சிகிச்சைக்காக அனுமதிக்கப்பட்டுள்ளனர்.
தொடரும் போக்குவரத்து சோகங்கள்: கடந்த 2018-ஆம் ஆண்டிலும் இதே சனந்தாஜ் பகுதியில் எரிபொருள் டேங்கர் லாரியும் பயணிகள் பேருந்தும் மோதிக்கொண்ட பயங்கர விபத்தில் 15 பேர் உயிரிழந்தனர் என்பது குறிப்பிடத்தக்கது. ஈரானில் மோசமான பராமரிப்பு மற்றும் வீதி விதிக மீறல்களால் ஆண்டுதோறும் சாலை விபத்துகளில் 17,000-க்கும் மேற்பட்டோர் உயிரிழப்பதாக புள்ளிவிவரங்கள் தெரிவிக்கின்றன.
