காலே (இலங்கை):
இலங்கைக்கு எதிராக காலேயில் நடைபெற்ற முதலாவது டெஸ்ட் போட்டியில், இளம் சுழற்பந்து வீச்சாளர் மானவ் சுதரின் அபார பந்துவீச்சால் இந்திய அணி 165 ரன்கள் வித்தியாசத்தில் பிரமாண்ட வெற்றியைப் பதிவு செய்துள்ளது.
முதல் இன்னிங்ஸ் முன்னிலை:
கடந்த ஆகஸ்ட் 15-ஆம் தேதி தொடங்கிய இப்போட்டியில், டாஸ் வென்று முதலில் பேட்டிங் செய்த இந்திய அணி தனது முதல் இன்னிங்ஸில் 462 ரன்கள் குவித்தது. பதிலுக்குத் தனது முதல் இன்னிங்ஸை ஆடிய இலங்கை அணி 284 ரன்களுக்கு ஆட்டமிழந்தது.
372 ரன்கள் இலக்கு:
178 ரன்கள் முன்னிலையுடன் இரண்டாவது இன்னிங்ஸைத் தொடங்கிய இந்திய அணி 48.5 ஓவர்களில் 193 ரன்களுக்கு அனைத்து விக்கெட்டுகளையும் இழந்தது. இதனால் இலங்கை அணிக்கு 372 ரன்கள் வெற்றி இலக்காக நிர்ணயிக்கப்பட்டது.
இலங்கையின் போராட்டம் சாய்ந்தது:
4-ஆம் நாள் ஆட்டநேர முடிவில் இலங்கை அணி 4 விக்கெட் இழப்பிற்கு 84 ரன்கள் எடுத்திருந்தது. கடைசி நாளான இன்று 288 ரன்கள் தேவை என்ற நிலையுடன் களமிறங்கிய கேப்டன் தனஞ்செயா டி சில்வா (59 ரன்கள்) மற்றும் சோனல் தினுஷா (84 ரன்கள்) ஜோடி நிதானமாக ஆடி அரைசதம் கடந்து எதிர்ப்பைக் காட்டியது.
எனினும், இந்த ஜோடியைப் பிரித்த பின் இந்திய பந்துவீச்சாளர்கள் ஆதிக்கம் செலுத்தத் தொடங்கினர். அடுத்தடுத்து வந்த டிக்வெல்லா (10 ரன்கள்), கேஷர நுவான்தா (20 ரன்கள்) வெளியேற, பிரபாத் ஜெயசூர்யா மற்றும் லஹிரு குமாரா ஆகியோர் ரன் ஏதுமின்றி ஆட்டமிழந்தனர். இறுதியாக, இலங்கை அணி 77.4 ஓவர்களில் 206 ரன்களுக்குச் சுருண்டது.
மானவ் சுதர் சுழல் ஜாலம்:
இந்திய அணியின் இடதுகை சுழற்பந்து வீச்சாளர் மானவ் சுதர் இரண்டாவது இன்னிங்ஸில் 55 ரன்கள் மட்டுமே விட்டுக்கொடுத்து 6 விக்கெட்டுகளைக் கைப்பற்றினார். இப்போட்டியின் இரண்டு இன்னிங்ஸ்களையும் சேர்த்து மொத்தம் 10 விக்கெட்டுகளை அள்ளிய அவர் அணியின் வெற்றிக்கு முக்கியப் பங்காற்றினார். பிரசித் கிருஷ்ணா 2 விக்கெட்டுகளையும், சிராஜ் மற்றும் ஜடேஜா தலா ஒரு விக்கெட்டையும் வீழ்த்தினர்.
தொடரில் 1-0 என முன்னிலை:
இரண்டு இன்னிங்ஸ்களிலும் சேர்த்து 211 ரன்கள் (முதல் இன்னிங்ஸில் 167 ரன்கள்) குவித்த தேவ்தத் படிக்கல் ஆட்டநாயகன் விருதைப் பெற்றார். இந்த வெற்றியின் மூலம் 2 போட்டிகள் கொண்ட டெஸ்ட் தொடரில் இந்திய அணி 1-0 என்ற கணக்கில் முன்னிலை பெற்றுள்ளது.
இரு அணிகளுக்கும் இடையேயான இரண்டாவது மற்றும் கடைசி டெஸ்ட் போட்டி வரும் ஆகஸ்ட் 23-ஆம் தேதி கொழும்பில் தொடங்கும்.
காலே (இலங்கை):
இலங்கைக்கு எதிராக காலேயில் நடைபெற்ற முதலாவது டெஸ்ட் போட்டியில், இளம் சுழற்பந்து வீச்சாளர் மானவ் சுதரின் அபார பந்துவீச்சால் இந்திய அணி 165 ரன்கள் வித்தியாசத்தில் பிரமாண்ட வெற்றியைப் பதிவு செய்துள்ளது.
முதல் இன்னிங்ஸ் முன்னிலை:
கடந்த ஆகஸ்ட் 15-ஆம் தேதி தொடங்கிய இப்போட்டியில், டாஸ் வென்று முதலில் பேட்டிங் செய்த இந்திய அணி தனது முதல் இன்னிங்ஸில் 462 ரன்கள் குவித்தது. பதிலுக்குத் தனது முதல் இன்னிங்ஸை ஆடிய இலங்கை அணி 284 ரன்களுக்கு ஆட்டமிழந்தது.
372 ரன்கள் இலக்கு:
178 ரன்கள் முன்னிலையுடன் இரண்டாவது இன்னிங்ஸைத் தொடங்கிய இந்திய அணி 48.5 ஓவர்களில் 193 ரன்களுக்கு அனைத்து விக்கெட்டுகளையும் இழந்தது. இதனால் இலங்கை அணிக்கு 372 ரன்கள் வெற்றி இலக்காக நிர்ணயிக்கப்பட்டது.
இலங்கையின் போராட்டம் சாய்ந்தது:
4-ஆம் நாள் ஆட்டநேர முடிவில் இலங்கை அணி 4 விக்கெட் இழப்பிற்கு 84 ரன்கள் எடுத்திருந்தது. கடைசி நாளான இன்று 288 ரன்கள் தேவை என்ற நிலையுடன் களமிறங்கிய கேப்டன் தனஞ்செயா டி சில்வா (59 ரன்கள்) மற்றும் சோனல் தினுஷா (84 ரன்கள்) ஜோடி நிதானமாக ஆடி அரைசதம் கடந்து எதிர்ப்பைக் காட்டியது.
எனினும், இந்த ஜோடியைப் பிரித்த பின் இந்திய பந்துவீச்சாளர்கள் ஆதிக்கம் செலுத்தத் தொடங்கினர். அடுத்தடுத்து வந்த டிக்வெல்லா (10 ரன்கள்), கேஷர நுவான்தா (20 ரன்கள்) வெளியேற, பிரபாத் ஜெயசூர்யா மற்றும் லஹிரு குமாரா ஆகியோர் ரன் ஏதுமின்றி ஆட்டமிழந்தனர். இறுதியாக, இலங்கை அணி 77.4 ஓவர்களில் 206 ரன்களுக்குச் சுருண்டது.
மானவ் சுதர் சுழல் ஜாலம்:
இந்திய அணியின் இடதுகை சுழற்பந்து வீச்சாளர் மானவ் சுதர் இரண்டாவது இன்னிங்ஸில் 55 ரன்கள் மட்டுமே விட்டுக்கொடுத்து 6 விக்கெட்டுகளைக் கைப்பற்றினார். இப்போட்டியின் இரண்டு இன்னிங்ஸ்களையும் சேர்த்து மொத்தம் 10 விக்கெட்டுகளை அள்ளிய அவர் அணியின் வெற்றிக்கு முக்கியப் பங்காற்றினார். பிரசித் கிருஷ்ணா 2 விக்கெட்டுகளையும், சிராஜ் மற்றும் ஜடேஜா தலா ஒரு விக்கெட்டையும் வீழ்த்தினர்.
தொடரில் 1-0 என முன்னிலை:
இரண்டு இன்னிங்ஸ்களிலும் சேர்த்து 211 ரன்கள் (முதல் இன்னிங்ஸில் 167 ரன்கள்) குவித்த தேவ்தத் படிக்கல் ஆட்டநாயகன் விருதைப் பெற்றார். இந்த வெற்றியின் மூலம் 2 போட்டிகள் கொண்ட டெஸ்ட் தொடரில் இந்திய அணி 1-0 என்ற கணக்கில் முன்னிலை பெற்றுள்ளது.
இரு அணிகளுக்கும் இடையேயான இரண்டாவது மற்றும் கடைசி டெஸ்ட் போட்டி வரும் ஆகஸ்ட் 23-ஆம் தேதி கொழும்பில் தொடங்கும்.
