கொழும்பு, கிராண்ட்பாஸ் - மஹவத்த பழைய ரயில் பாதைக்கு அருகில் ஏற்பட்ட திடீர் தீப்பரவலில், அங்கு அனுமதியின்றி அமைக்கப்பட்டிருந்த சுமார் 15 தற்காலிக வீடுகள் முற்றாக எரிந்து நாசமாகியுள்ளன.
இன்று (13) பிற்பகல் 2:15 மணியளவில் இந்தத் தீப்பரவல் ஏற்பட்டுள்ளது. இச்சம்பவத்தால் அப்பகுதியில் இருந்த சுமார் 21 தற்காலிக வீடுகள் தீ விபத்துக்குள்ளாகியுள்ளதாக முதற்கட்டத் தகவல்கள் தெரிவிக்கின்றன.
தீயைக் கட்டுப்படுத்துவதற்காக அவசரமாக 4 தீயணைப்பு வாகனங்கள் வரவழைக்கப்பட்டு ஈடுபடுத்தப்பட்டதுடன், தீயணைப்பு வீரர்களின் தீவிர முயற்சியால் தற்போது தீப்பரவல் முழுமையாகக் கட்டுப்படுத்தப்பட்டுள்ளது.
முக்கிய விவரங்கள்:
உயிர்ச்சேதம் இல்லை: விபத்தில் பெருமளவான சொத்துக்களுக்குச் சேதம் ஏற்பட்டுள்ள போதிலும், அதிர்ஷ்டவசமாக உயிர்ச்சேதங்களோ அல்லது காயங்களோ எற்பட்டதாகப் பதிவாகவில்லை.
தீ விபத்துக்கான காரணம்: தீப்பரவலுக்கான சரியான காரணம் இதுவரை கண்டறியப்படவில்லை. இது தொடர்பான மேலதிக விசாரணைகள் முன்னெடுக்கப்பட்டு வருகின்றன.
அதிகாரிகள் வருகை: தீப்பரவலாால் அப்பகுதியில் ஏற்பட்ட சேதங்களையும், தற்போது நிலவும் சூழ்நிலையையும் நேரில் பார்வையிடுவதற்காக கொழும்பு மாநகரசபை முதல்வர் வ்ராய் கெலீ பல்தசார் உடனடியாக சம்பவ இடத்திற்கு வருகை தந்து நிலைமையை ஆய்வு செய்தார்.
