சென்னை சென்ட்ரல் - அரக்கோணம் ரயில்வே பிரிவில் உள்ள அரக்கோணம் பணிமனையில் அவசர தண்டவாள மற்றும் தொழில்நுட்ப பராமரிப்புப் பணிகள் மேற்கொள்ளப்படவுள்ளன. இதனால் பயணிகள் பாதுகாப்பைக் கருத்தில் கொண்டு, நாளை (மே 17) முதல் மே 31-ஆம் தேதி வரை 5 புறநகர் மின்சார ரயில்கள் (EMU/MEMU) முழுமையாக ரத்து செய்யப்படுவதாக சென்னை ரயில்வே கோட்டம் அறிவித்துள்ளது.
மேலும் பல ரயில்கள் பகுதி அளவாக ரத்து செய்யப்பட்டு, திருவாலங்காடு வரை மட்டுமே இயக்கப்படவுள்ளன. அதன் முழு விபரம் பின்வருமாறு
அரக்கோணத்தில் இருந்து திருத்தணி செல்லும் ரயில்கள்:
அதிகாலை 4:00 மணி
அதிகாலை 5:00 மணி
காலை 6:25 மணி
திருத்தணியில் இருந்து அரக்கோணம் வரும் ரயில்கள்:
இரவு 9:15 மணி
இரவு 11:00 மணி
மே 17 முதல் 31 வரை, மூர் மார்க்கெட் காம்ப்ளக்ஸ் (மத்திய சென்னை) நிலையத்திலிருந்து அரக்கோணம் புறப்படும் பின்வரும் 10 புறநகர் ரயில்கள் திருவாலங்காடு வரை மட்டுமே இயக்கப்படும். (அதாவது திருவாலங்காடு - அரக்கோணம் இடையே இந்த ரயில்கள் ஓடாது)
பகல் நேரங்கள்: காலை 10:30, காலை 11:00
மாலை நேரங்கள்: மாலை 5:15, மாலை 5:45, மாலை 6:05, மாலை 6:40
இரவு நேரங்கள்: இரவு 7:45, இரவு 8:20, இரவு 9:10, இரவு 10:55
மறுமார்க்கத்தில் இயக்கம்: அரக்கோணத்தில் இருந்து சென்னை திரும்ப வேண்டிய ரயில்கள், குறிப்பிட்ட அந்த நாட்களில் அரக்கோணத்திற்குப் பதிலாக திருவாலங்காடு நிலையத்திலிருந்து வழக்கமான நேரங்களில் புறப்பட்டு மூர் மார்க்கெட் மற்றும் சென்னை கடற்கரை நிலையங்களை வந்தடையும்.
பராமரிப்புப் பணிகள் காரணமாக இந்த தற்காலிக மாற்றங்கள் செய்யப்பட்டுள்ளதால், பயணிகள் தங்களது பயண நேரங்களை அதற்கேற்ப திட்டமிட்டுக் கொள்ளுமாறு சென்னை ரயில்வே கோட்டம் கேட்டுக் கொண்டுள்ளது.